Alas-5:00 subong nga aga, nagbaskog pa ang bagyo Julian nga sa karun yara na sa Super Typhoon category.
Ang sentro sang mata sang bagyo ang ulihi nga nasiplatan 205 km West sang Itbayat, Batanes.
Dala sini ang mabaskog nga hangin nga nagadangat sa 185 km/h kag pagmadlos nga tubtob 230 km/h, samtang ini ang mahinay nga nagahulag sa West Northwestward nga dereksyon.
Nagpanaog naman sa Tropical Cyclone Wind Signal no. 2 ang Batanes, Babuyan Islands, naaminhan nga bahin sang Ilocos Norte, kag northwestern portion sang mainland Cagayan.
Tropical Cyclone Wind Signal no. 1 naman sa nabilin nga bahin sang Ilocos Norte, Ilocos Sur, La Union, Pangasinan, Apayao, Kalinga, Abra, Mountain Province, Ifugao, Benguet, nabilin nga bahin sang mainland Cagayan, Isabela, Quirino, Nueva Vizcaya, naaminhan nga bahin sang Aurora, kag naaminhan nga bahin sang Nueva Ecija.
Maeksperyensyahan sa pila ka mga lugar ang mamadlos nga hangin kaupod sang ulan.
Gani padayun man nga ginapanugyan ang paghalong sa posibilidad sang mga pagbaha kag landslide.
Alas-2:00 karun sa hapon, ginalantaw nga makagwa na sa Philippine Area of Responsibility ang Super Typhoon Julian.
Ini ang ginalantaw nga magarecurve padulong sa kadagatan sa Southwest sang Taiwan subong nga adlaw kag magalandfall sa southwestern coast sang Taiwan bwas sa aga ukon sa hapon.
Ginalantaw nga magabalik sa PAR ang bagyo bwas sa hapon kag liwat nga magwa sa Huwebes sang hapon ukon sa gab-i.
Sa paglabay sini sa kadutaan sang Taiwan, lauman nga madowngrade man ang bagyo sa Severe Tropical Storm category sa Huwebes.
