Alas-4:00 kaina sang kaagahon ang Bagyo Ofel ang nagsanyog na sa Typhoon category.
Ang bagyo ang ulihi nga nasiplatan 475 km East Northeast sang Virac, Catanduanes ukon 595 km East sang Daet, Camarines Norte.
Ini ang nagadala sang hangin nga may kabaskugon nga nagadangat sa 120 km/h kag pagmadlos nga tubtob 150 km/h samtang nagahulag sa nakatungdan nga dereksyon sa kadasigon nga 25 km/h.
Sa karun napaidalom na sa Tropical Cyclone Wind Signal No. 1 ang Cagayan kalakip ang Babuyan Islands, northern kag central portions sang Isabela, Apayao, eastern portion sang Kalinga, easternmost portion sang Mountain Province, kag ang easternmost portion sang Ifugao.
Ang Typhoon Ofel ang ginalantaw nga magahulag sa west northwestward tubtob northwestward nga dereksyon samtang yara sa Philippine Sea antes maglandfall sa east coast sang Cagayan ukon Isabela bwas sa hapon.
Ini ang magalapos sa Luzon Strait sa Biyernes kag magaliko sa north northwestward nga dereksyon samtang ginalantaw nga magahinay ang hulag sini antes ang weekend.
Bisan diin man ang landfall point, padayun nga ginapahanumdom nga yara sa risgo ang mga kadutaan kag baybayon sa palibot nga mga lugar.
Ginalantaw nga magabaskog pa ang Typhoon Ofel sa masunod nga 24 oras kag malab-ot na ang peak intensity antes ang paglandfall.
Sa pihak nga bahin ang Tropical Storm Toraji, nga anay ginkilala natun nga Bagyo Nika ang ulihi nga nasiplatan 475 km West sang Calayan, Cagayan, sa gwa na sang Philippine Area of Responsibility.
Samtang ang Tropical Storm Man-Yi ang yara na sa karun sa nabagatnan nga kadagatan sang Guam kag padayun nga nagahulag sa West Southwestward nga dereksyon.
Ini ang hatagan sang local name nga Pepito sa pagsulod sa PAR.
Ang bagyo ang ulihi nga nasiplatan sa 2,210 km East sang Eastern Visayas dala ang kabaskugon sang hangin nga nagadangat sa 75 km/h kag pagmadlos nga tubtob 90 km/h.
Ang Bagyo ang ginalauman nga masulod sa PAR bwas sa gab-i kag malandfall sa Northern ukon Central Luzon sa Domingo sang hapon ukon sa gab-i.
