Malaka pa ang nagabakal sang mga palupok sa karun apang ginalantaw sang mga manugbaligya nga sa Disyembre 31 magadagsa ang mga bumalakal.
Suno sa nagabaligya sa likod sang Pope John Paul II Tower nga diutay ang nagabakal sang palupok bangud masami nagaulan sang tinalikdan nga adlaw.
Ginpahayag sang nagabaligya nga sang December 18 sila nag-umpisa sa pagbaligya kag laka-laka ang nagabakal.
Apang ginpahayag man sini nga apisar laka-laka ang nagabakal bisan paano makaginansya man sila.
Ang mga supply sang palupok ang ginakuha pa sa Hinigaran kag Bulacan.
Ginapalupok naman ang iban nga mga palupok nga indi maubos baligya.
Ang mga katapo sang Bacolod City Fire Station ang nagapatigayon man sang ila nga routine check-up sa mga nagabaligya sang palupok sa likod sang Pope John Paul II Tower.
