Ang mga amay ang mahimo magsakripisyo kag ubrahon ang tanan para sa ila pamilya apang apang paano kun ang ini nga sakripisyo ang magbaligya sang kidney?
Nagapangatubang sang kaso ang isa ka babayi matapos gin-into sini ang iya bana nga ibaligya ang kidney sini sa black market agud nga gastuhon sa pag-eskwela sang ila anak apang ginkawat lang ang kwarta kag nagpataban sa iya iban nga lalaki.
Ang babayi ang nagikan sa West Bengal, India ang gina-alegar nga nag-engganyo sang iya bana nga ibaligya ang isa sa kidney sini agud nga magastuhan ang pag-eskwela sang ila anak kag ma-arrange ang kasal sini sa ulihi.
Una nga nagpamalibad ang bana apang sa ulihi, nagpasugot man ang lalaki sa pagpati nga ang pagsakripisyo sini ang makapaayo sa ila pamilya kag masiguro ang bwas-damlag sang ila anak.
Ang amay ang nagpangita man buyer kag ginbaligya ang kidney kag ang $11,500 nga revenue ginsalig niya sa iya asawa.
Apang ang kwarta ang ginpalagyo sang iya asawa kag nag-elope upod sang iya kirido.
Bangud sini, nagpasaka sang reklamo ang lalaki sa local police kag natultulan ini sa Barrackpore.
Kaupod sang iya napulo katuig nga bata kag ginikanan, nagpadulong ang mga ini sa ginatiniran sang babayi kag ginkompronta apang sa baylo nga mahuya nagpahayag pa ang babayi nga wala na ini sang amor sa iya bana kag magafile ini sang divorce agud nga magbulag diri.
