Gindala sa Barangay 2, Bacolod City ang bangkay nga nasapwan sang mangingisda sa baybayon sang Talisay City.
Sa interview sang Bombo Radyo Bacolod kay Sammy Linugon, residente sa Brgy 2, Bacolod City, siya ang nagpangisda sa ciudad sang Silay kag papauli na kuntani sang malabayan sini ang naga-utaw utaw nga bangkay kapin alas-3:30 kaina sang kaagahon.
Ang bangkay ang nakumpirmar nga babayi, kag ini ang wala sang panapton sang masapwan.
Gilayon nga ginhigot ni Linugon sang pisi ang bangkay, kag gindala na lamang sa Brgy 2, Bacolod City sa iya nga pagpauli.
Suno diri, karun lang siya nakasapo sang bangkay, gani wala ini nakahibalo kun diin dapat dal-on.
Sa karun, gina-imbestigaran naman sang Bacolod Police Station 2 ang insidente kag sila ang magakoordinar man sa Talisay City Police Station sa pagtumod sa identity sang bangkay.
Ang biktima ang ginabanta 60 tubtob 70 anyos kag may-ara sang pilas sa iya likod, samtang indi man bloated ang iya lawas apisar nga ini ang nagayellowish na.
