May nagclaim na sa duha sa tatlo ka napatay nga katapo sang New People’s Army nga napatay sa engkwentro batok sa 47th Infantry Battalion sang Philippine Army sa Prk Santol, Brgy Tampalon, Kabankalan City sang Biyernes, Marso 20, 2026.
Ang mga napatay amo ang squad leader sang South-Western Front (SWF) nga si Joedil Balsimo alyas Junjun/Cairo, kag ang NPA members nga sanday Ritchie Verano alyas Makoy/Akiro kag Milky Sampini alyas Gorting.
Sa interview sang Bombo Radyo kay Lt Col. Dennis Martinez, Commander sang 47th IB, may nagclaim na kay Verano kag Balsimo apang wala pa sang pamilya nga nagkuha sang lawas ni Gorting.
Suno kay Martinez, natumod na nga si Balsimo ang residente sang Barangay Buenavista, Himamaylan City, Negros Occidental, kag Samping ang gikan sa Majuyod, Negros Oriental samtang SI Verano ang gikan sa Barangay Trinidad, Guihulngan City, Negros Oriental.
Dugang pa ni Martinez nga ginapangitaan pa sang paagi kun paano macontact ang pamilya ni Samping agud mapahibalo nga napatay na ini.
Ang mga naengkwentro nga NPA ang responsable sa pagpatay kay Leonora Anguit, 74 anyos kag Renante Vedarte, 39 anyos sa Barangay Tapi, Kabankalan City samtang sila man ang responsable sa mga pagpanunog sa Himamaylan City.
