Ginpauli na sang pamilya ang bangkay sang sibilyan nga napatay matapos nga gintiro sa isa ka bar sa Sibulan, Negros Oriental sang Enero 9, 2026.
Sa interview sang Bombo Radyo Bacolod kay Jumar, isa sa mga nagatrabaho sa bar, nagpadulong sa banwa sang Sibulan gikan sa Pagadian City, Zamboanga Del Sur ang duha ka utod ni Chiela Mae Dinawanao agud nga madala pauli ang bangkay sang ila nga himata.
Suno kay Jumar, nagpabulig ang pamilya ni Dinawanao sa Local Government Unit sang Sibulan agud nga madala pauli ang bangkay.
Samtang, ginpahayag man sini nga bwas, Enero 14, mahimo nga mabuksan na ang SAB Resto Bar ang ginluntaran sang shooting incident kun sa diin nagresulta sa pagkapatay ni Dinawanao kag tatlo ka mga police.
Dugang pa ni Jumar, wala man ang mga ini nahadlok ukon natrauma bangud sa insidente kag magabalik man sila sa pagtrabaho sa tion nga mabuksan naman ang nasambit nga bar.
