Banwa sang Hinigaran kag EB Magalona, magapatuman sang liquor ban may kaangtanan sa Semana Santa

Nagdeklarar sang liquor ban ang banwa sang EB Magalona kag Hinigaran para sa Semana Santa.

Sa executive order ni Hinigaran Mayor Jose Nadie Arceo, sila ang magapatuman sang banning sa meat products humalin bwas Marso 28, Huwebes Santo tubtob sa Marso 31, Domingo sang Pagkabanhaw.

Magluwas diri ipatuman man ang liquor ban sa kaangay nga mga petsa.

Samtang sa executive order ni EB Magalona Mayor Marvin Malacon, ang liquor ban ang ipatuman lamang sa Biyernes Santo, Marso 29.

Pangabay sang alkalde nga maghatag sang tion sa pagpangamuyo kag pagpamalandong.

Ang magalapas sa nasambitan nga mga pagsulundan ang magapangatubang man sang nagakaigo nga penalidad.