Nadakpan ang isa ka barangay tanod sang Barangay Tabugon sa ciudad sang Kabankalan nga may kaupod nga babayi nga wala na sang pang-idalom nga panapton sa sulod sang barangay hall.
Sa interview sang Bombo Radyo kay Punong Barangay Ramil Sepida, nagpadulong ang babayi sa barangay hall bangod nag-away sila sang iya live in partner.
May yara siya sang pilas sa ulo kag nag-ayo nga magtulog didto bangod mabyahe ini padulong sa Bacolod City pagkasunod nga adlaw.
Alas-12:00 sang kaagahon, nag-abot ang iloy, step father kag pakaduha sang iya live in partner nga isa ka tanod.
Apang, nag-una pauli ang iloy kag amay kag nabilin didto ang pakaduha sang live in partner sang babayi.
Apang, alas-3:00 sang kaagahon nagbalik sa barangay hall ang iloy sang lalaki kag naabtan sini ang ginahimo sang tanod kag sang babayi.
Nakita sini nga wala na sang pang-idalom nga panapton ang babayi kag nagdali-dali sila tindog nga duha kag naggwa sa pertahan.
Suno kay Sepida sang nahibaloan sini ang natabo, gilayon niya nga ginkakas sa serbisyo ang tanod.
Samtang, nahibaluan naman nga ang tanod ang may asawa kag bata samtang ang babayi wala sang bata sa iya live in partner apang may apat na ka bata sa una niya nga bana.
