Patay ang isa barker matapos mahulog sa taytay sa Prk. Jardin, sa Barangay Taculing, Bacolod City kahapon sang aga, Pebrero 20.
Ginkilala ang bikitma nga si Valentine Magalona, 54-anyos kag residente sang Prk Progreso, Bagong Dalan, Brgy. Sum-ag, Bacolod City.
Sa interview sang Bombo Radyo kay Police Captain Peter John Ramos, station commander sang Bacolod City Police Station 6, nakabaton sila sang report pasado ala-1:00 kahapon sang hapon nga may nasapwan ng bangkay sa idalom sang taytay.
Sa pag-abot sang sa nasambit nga lugar, nakita ang biktima nga nagapanghapaon kag wala na sang kabuhi.
Suno kay Ramos, si Magalon ang temporaryo nga naga-istar sa hayob-hayob sa idalom sang nasambit nga taytay.
Suno diri, ang biktma ang magapadulong kuntani sa iya nga ubra sang aksidente nga nahulog sa taytay nga nagresulta sang iya kamatayon.
Wala naman sang nakita nga foul play sa nasambit nga insidente.
