Nakaabot na sa Pilipinas ang barko nga may karga nga masobra 700,000 ka bariles sang krudo naggikan sa Russia.
Natabo ini pila ka adlaw matapos gindeklarar sa pungsod ang national energy emergency bangud sa ginapangatubang nga krisis dala sang kinagamo sa Middle East.
Nahibaluan nga nag-abot sa Pilipinas ang barko nga Sierra Leone-flagged nga Sara Sky nga may dala nga krudo naggikan sa ESPO pipeline sang Russia.
Santo sa report, ang Petron Corp, nga operator sang nagaisahanon nga oil refinery sa Pilipinas, amo ang consignee sini.
Nahibaluan nga ini ang pinakauna nga shipment sang langis nga naggikan sa Russia.
Madumduman nga sang nakaligad nga semana, ginpahayag ni Ramon Ang, CEO sang Petron, nga may posibilidad nga magbakal ini sang langis nagikan sa Russia apang wala naman sini ginkumpirmar ang pag-abot sang nasambit nga shipment.
