Nalipay ang isa sa mga fans sang New York Knicks nga nagchampion ang mga team.
Suno kay Japs Catalan, halin sa Game 1 asta Game 5 ang pagpusta sini.
Aminado man ini nga makahalawat-hawat ang hampang.
Una ginapanumdom man sang mga ini nga may game 6 pa ang ang serye ang gintapos na sang Knicks.
Suno kay Catalan, si Jalen Brunson gid ang nagdala sang hampang nagresulta sang ila nga kadalag-an.
Suno diri, sa ila nga pustahanay may mga bes nga ang mga napierde ang daw indi magbayad gani ginapabay-an nalang.
Ipangape naman sini ang iya nga nadag-an sa iya pusta nga P500.
Wala na sang may mahimo pa ang isa ka fan sang San Antonio Spurs kundi batonon nga napierde ang iya ginasuportahan nga team.
Sa inrterview sang Bombo Radyo kay Mernald Lopez, nagpusta ini sa Spurs halin sa Game 1 tubtob Game 5.
Suno diri, nasuboan ini nga makita nga napierde ang iya idolo nga si Victor Wembanyama bangod nagpati pa ini nga makabawi pa ang Spurs bangod home court ang ila ginhampangan apang nakita man sini kun ano ka sagad si Jalen Brunson sa game.
Suno kay Lopez, bisan nga may trabaho pa ini, wala untat ang iya pagtutok sa hampang sa NBA.
Pahayag sini, sa sunod nga NBA, ang Los Angeles Lakers naman ang luyag niya nga makita sa finals apang sa karun matapos ang kapierdehan, ginalantaw sini nga posible siya kag ang iban pa nga kaangay niya nga napierde sa pusta, ang magasud-an karun sang delata nga sardinas.
