Ginpahayag ni US President Joe Biden nga ginabaton sini ang resulta sang kaso batok sa iya bata nga si Hunter kag pagarespetuhon ang judicial process samtang nagakonsiderar sang appeal ang iya bata.
Si Hunter Biden, 54-anyos, nga ginconvict sang jury sang pagbinutig natuhoy sa paggamit sang illegal nga druga agud makabakal sang armas luthang, ang nangin labing una nga bata sang nagapungko nga US president nga naconvict sa isa ka krimen.
Isa ka jury sa Wilmington, Delaware federal court ang nagconvict sa iya nga guilty sa tatlo ka counts sa kaso nga gindala ni US Department of Justice Special Counsel David Weiss, isa ka appointee ni Trump.
Sa isa ka statement, ginpahayag ni Biden nga magluwas nga siya ang isa ka Presidente, siya ang isa man ka amay.
Suno diri, palangga nila ni Jill ang ila bata kag proud ini diri apang iya ginabaton ang resulta sang kaso kag magapadayon sa pagrespeto sang judicial process.
Siya kag si Jill ang magaupod kay Hunter sa pagsuporta diri kag wala sang may magabag-o.
