Nagapanawagan ang bata sang biktima sang strafing incident sa Madredijos, Cebu nga atubangon nalang sang may kahimuan sa iya amay nga atubangon nalang ang hinimuan sang mga ini.
Kahapon, nag-abot na sa ciudad sang Victorias ang bangkay sang mananagat nga gin-strafing sa baybayon sang Madridejos, Cebu sang tinalikdan nga Martes, September 3, 2024.
Ginkilala ang nasambit nga biktima kay Rex De la Cruz, 45 anyos residente sang Barangay 9 ciudad sang Victorias, Negros Occidental.
Madumduman nga ginkumpirmar sang Madridejos Police Station nga katapo sang Bantay Dagat ang nagtiro sa anum ka mga mananagat…Sa interview sang Bombo Radyo Bacolod kay Faith Dela Cruz, anak sang biktima, mapinalanggaon ang iya amay.
Suno kay Faith, ginaagwanta sang iya amay ang katugnaw sang lawod agud nga makapangita sang ila kinawala.
Suno diri, sa iya iloy nalang ini mabawi bangud indi na siya kabawi sa iya amay gani tapuson gid sini ang iya nga pagtuon.
Nagpasalamat man ini sa tanan nga nagbulig agud nga mapauli sa ila lugar ang bangkay sang iya amay.
