Nagapahanumdum ang chief sang operations management unit sang Bacolod City Police Office (BCPO) sa mga kapulisan nga dapat maghalong sa pagtinlo sang mga armas luthang kag kabigon ini nga loaded sa tanan nga tion.
Ini matapos nagtaliwan ang isa ka pulis nga ginaaligar natiruhan ang iya kaugalingon sa Prk. Punay, Brgy Mansilingan, syudad sang Bacolod sang Oktubre 30.
Ginkilala ang biktima kay Patrolman Val Liansing, 24 anyos kag residente sang nasambit nga lugar.
Nakita sa sulod sang kwarto nga nagahimos si Liansing sang iya mga pagkabutang para kuntani sa iya augmentation sa EB Magalona Municipal Police Station sa pyesta minatay sang aksidente nga naglupok ang armas nga iya ginakapyutan.
Ginalantaw sang mga otoridad nga posible nga ginatinluan sang biktima ang armas-luthang kag aksidente nga naglupok.
Sa interview sang Bombo Radyo kay Police Lt. Col. Lester Leada, ginakasubo sini ang natabo kay Liansing.
Suno sa iya, kalabanan sa mga naga-accidental firing ang mga bag-uhan nga mga personnel bangud masami nila nga ginatsekyar ang ila mga armas luthang kag kun kaisa wala nagakanotisyaran nga ini ang loaded sang bala.
Suno kay Leada, bilang senior sa serbisyo, nagapanugyan ini nga dapat kabigon ang armas luthang nga loaded permi.
Suno diri, kun nagatinlo sang armas, dapat siguruhon gid ang seguridad sang kaugalingon.
Suno sa iya, dapat nga i-cock gid ang armas agud masiguro nga wala sang bala nga nabilin sa chamber.
Nagpahanumdum man ini nga dapat magfinger out kun naga-uyat sang pusil magluwas lamang kun ready to shoot ukon yara sa katalagman ang kabuhi
