Gin-athag sang city director sang Bacolod City Police Office (BCPO) nga indi mahimo nga indi sila magreport sang mga police operations ilabi na sa illegal nga druga bangud sila ang ginapaeksplikar man sila sang higher office sang Philippine National Police.
Sa interview sang Bombo Radyo Bacolod kay Police Col. Thomas Joseph Martir, wala man sang na-miss nga report ang mga kapulisan sa syudad sang Bacolod bangud ginareport man ini gilayon kag may nagawitness man nga katapo sang media sa tion nga sila ang may operasyon kag kun kaisa nagakaunahan pa sila sang media gani kinahanglan nila nga mag-imbestigar kag ivalidate ang impormasyon agud makahimo sang report.
Mandato man sang korte nga may yara ang mga ini sang body worn cameras sa tion nga sila ang may operasyon bangud kun wala ini kulang ang ginapresentar nga ebidensya kag mahimo nga madismiss ang ginfile nga kaso batok sa suspetsado.
Suno kay Martir, nagacoordinate man ang mga kapulisan sa Philippine Drug Enforcement Agency (PDEA) bangud indi man matigayon ang anti-drug operation sang PNP kun indi sila magcoordinate sa nasambit nga ahensya.
Ginpahayag man sini indi man matago ang mga operasyon sang mga kapulisan bangud may mga witness kag isa na diri ang katapo sang media gani sa bahin sang BCPO tanan ang reported.
