Ginrekomendar sang Deputy City Director for Operations sang Bacolod City Police Office sa Bacolod City Government nga ang tanan nga magapatigayon sang pagprotesta kadungan sang pagpatigayon sang State of the Nation Address (SONA) ni President Ferdinand “Bongbong” Marcos Jr karun sa hapon nga patigayunon nalang sa designated area kag indi sa tunga dalan.
Sa interview sang Bombo Radyo Bacolod kay Police Lt. Col. Lester Leada, nakahibalo man ang mga kapulisan kag indi man sang mga ini mapunggan ang mga tawo nga magpautwas sang ila mga sentimyento sa tion sang SONA gani sila sa BCPO ang nagpreparar man.
Suno kay Leada, ginplastar man sang mga ini ang Civil Disturbance Management (CDM) contingent ingkaso nga may mga mag-rally nga wala nagasunod sa pagsulundan kaangay sang paghimo sang rally activity nga wala sang permit.
Suno diri, naghatag man sila sang rekomendasyon sa Bacolod City Government nga ang tanan nga magapatigayon sang pagprotesta kadungan sang pagpatigayon sang SONA sang presidente karun sa hapon nga patigayunon nalang sa designated area kag indi sa tunga dalan.
Ang lugar sa ciudad nga mahimo patigayunan sang protesta ang Bacolod Public Plaza bangud ini ang freedom park sang ciudad.
Suno sa Deputy City Director for Operations sang Bacolod City Police Office ginsuhestyon man sini sa LGU nga sa tanan nga nag-apply sang permit sa plaza nalang patigayunon ang aktibidad kag wala na sang martsa agud nga indi maapektuhan ang trapiko nga mahimo tunaan sang pagluntad sang gamo.
Pahanumdom sini sa mga magarally nga may kinamatarong sila sa paghambal nga nagapamatok sa gobyerno may yara man sang right iban nga mga tawo nga dapat sang mga ini nga respetuhon.
