Wala na sang kabuhi si Police Lt. Col. Romeo Vargas pinuno sang City Administrative and Resource Management Unit sang Bacolod City Police Office sang maabtan sang emergency rescue team sa sulod sang iya balay sa Purok Zone 12, barangay Handuman, Bacolod City, kaina sang aga.
Sa interview sang Bombo Radyo kay Effren Sayon Jr, pinuno sang Handumanan Community Fire Auxiliary Group, alas- 7:00 kaina sang aga nakabaton sila sang tawag gikan sa barangay nga nagapangayo sang bulig.
Suno diri, pag-abot sa balay ni Vargas, nakita nila nga nagahilibion ang bata sini nga babayi samtang si Vargas naman nagakaya sa salog sa sulod sang kwarto kag wala na sang kabuhi.
Suno diri, nagasuksuk ini sang civilian kag may dugo sa salog apang wala pa nahibaloan kun diin ang pilas sini.
Suno kay Sayon, wala sang may nakit-an nga armas-luthang malapit sa lawas ni Vargas.
Ang 55- anyos nga pulis nangin hepe sadto sang Himamaylan City Police Station sang tuig 2021 kag gintransfer sa BCPO sang tuig 2024 bilang pinuno sang City Operations Management Unit, pinuno sang City Investigation and Detective Management Unit kag nangin pinuno sang City Administrative and Resource Management Unit.
