Plano sang Bacolod City Police Office nga magpatukod sang gym para sa police personnel nga kinahanglan magbuhin sang kabug-aton.
Ini kasunod sa mando ni Philippine National Police (PNP) chief Police General Nicolas Torre III nga kakson sa serbisyo ang mga overweight police officers kun indi nila mapanubo ang ila kabug-aton matapos ang anum tubtob isa ka tuig.
Suno kay BCPO Director Police Colice Joeresty Coronica, may yara sila sang programa para sa pagbuhin sang kabug-aton sang personnel agud mabuhinan ang ila kadakoon kag buy-on.
Suno diri, lantawon sini kun sin-o ang mga personnel nga nagakinhanglan nga magpanubo sang ila kabug-aton bangod importante nga fit to work ang police.
Suno pa diri, dapat balanse ang physical activity kag disiplina sa pagkaon.
Sa karun plano nila nga magtukod sang gym basta may yara na sang budget para diri kag sa pagprocure sang equipment.
