BACOLOD CITY — Indi magnubo sa walo ka mga drug lords ang validated nga naga-operate sa karun sa ciudad sang Bacolod.
Suno kay Bacolod City Police Office Director Police Senior Superintendent Jack Wanky, big time drug lord ang ginatumod nga walo ka mga persona apang indi sila mahingadlan.
Aminado ang BCPO director nga yari pa sa Negros Occidental ang una ginhingadlan nga drug lord bangud santo sa mga nadakpan nga downlines ukon magagmay nga pusher, ginatuad sang mga ini nga yari lang sa probinsya ang ila mga boss.
Ang amo nga mga drug lord ang dalagko nga mga persona kag kilala na halin pa sang una.
Suno kay Wanky, naglupok na ang pangalan sang mga drug lord diri sa Bacolod antes pa man ang mga Odicta kag Prevendido.
Sa pihak sini, wala naman sang opisyal sang gobyerno nga drug lord apang dako ang posibilidad nga konektado sila sa mga opisyal sang gobyerno.
Sa ciudad sang Victorias, ginpahayag ni Police Superintendent Herman Garboza, hepe sang Victorias City Police Station, nga mismo ang mga durugista nga ila madakpan ang nagatuad nga halin diri sa Bacolod ukon sa ciudad sang Silay ang druga nga ila ginabaligya ukon ginagamit.
