Wala ginakabig nga alarming sang tagpamaba sang Bacolod City Police Office (BCPO) ang tatlo ka asod-asod nga shooting incident nga nagluntad sa ciudad sini nga bulan.
Sa interview sang Bombo Radyo kay Police Lt. Col. Sherlock Gabana, ginpahayag sini nga indi konektado ukon wala sang kaangtanan sa isa kag isa ang mga biktima sa mga insidente sang pagpangluthang sang Barangay 35, Barangay Estefania kag Barangay Tangub diri sa ciudad sang Bacolod.
Suno kay Gabana, nagapadayon sa karun ang imbestigasyon sang tagsa-tagsa ka mga police station nga may jurisdiction sa nasambit nga areas.
Suno diri, indi ini alarming bangud may nagkalain-lain nga rason kag motibo nga ginalantaw ang mga kapulisan kaangay na lamang sa Barangay 35 nga personal judge ang ginalantaw nga anggulo.
Nagpasalig ini nga indi ini dapat pagproblemahon sang mga pumuluyo bangud may yara na sang mga persons of interest kag gina-imbestigahan ini sang mga kapulisan.
Naghingyo man si Gabana sa pamilya sang mga biktima kasubong man sa mga witness nga magkooperar sa imbestigasyon agud mapadasig ang pagsolbar sa kaso.
