Dyutay ang mga beach goers nga nagpadulong sa Brgy Punta Taytay, Bacolod City kahapon Easter Sunday, kun ipaanggid sang nakaligad nga tuig.
Sa interview sang Bombo Radyo Bacolod kay Police Captain Andy Ofalia, station commander sang Bacolod Police Station 9, kapin isa ka libo man ang nagbisita sa isa ka dako nga beach resorts samtang sa iban yara sa 500 tubtob 800.
Apang ang numero ang mas manubo kun ipaanggid sang Semana Santa 2024 suno sa mga tropa nga nadeploy man sa nasambitan nga area.
Ginalantaw ni Ofalia nga bangod sa tuman ka init sang tiyempo, iban ang ginpili nga magpaliwa-liwa sa mga mountain resorts sangsa dagat.
Wala man sang may narecord nga insidente bangod magluwas sa mga police personnel, may mga gindeploy man nga Barangay Tanod sa area.
Samtang ginhimo man nila one-way ang dalan, agud malikawan ang mga problema sa trapik.
Ginapasalamatan ni Ofalia ang tanan nga nagkoorperar sa ila implementasyon sang peace and order.
