Ginpahayag sang Filipino sa Israel nga ang Pinay nga napatay kasunod sang pag-atake sa nasambit nga pungsod ang wala nagatrabaho didto.
Sa interview sang Bombo Radyo Bacolod kay Bombo International News Correspondent Rosalina Diamante direkta sa Israel, ang biktima ang nagpadulong sa Israel agud makaupod ang bana sini kag didto na mapuyo.
Suno kay Diamante, sa Herzliya gid nagapuyo ang Pinay kag bana sini apang nagkadto lang sila sa Haifa agud bisitahon ang ginikanan sang lalaki.
Wala na nakapanago sa bomb shelter ang Pinay kaupod ang bana sini bangud ang amay sang lalaki ang nabudlayan na gani nagpanago nalang sila sa idalom sang hagdan.
Bangud narumpag na ang building nga ginatiran bangud sa pagpang-atake natabunan ang mga ini kag napatay.
Suno kay Diamante, apat tanan ang napatay, ang Pinay nga si Lucille Jane Gershovich, 29 anyos; kaupod ang bana sini nga Israeli national nga si Dmitry Gershovich, 42 anyos; kasubong man ang mga ginikanan ni Dmitry nga sanday Vladimir Gershovich, 73 anyos kag Lena Ostrovsky, 68 anyos.
