Handa nga atubangon sang complainant nga si Bernard Ferraris ang kaso nga perjury nga ginfile ni Negros Occidental 3rd District Representative Javi Benitez batok sa iya angot sa gina-alegar pag-operar sang isa ka bulangan sa Victorias City apisar nga wala sang franchise kag Resolution of No Objection (RONO).
May ginfile nga reklamo batok kay Cong Javi Benitez, Victorias City Mayor Abelardo Bantug III, sa mga City Council, sa Punong Barangay sang Barangay 14 kun diin nahamtang ang bulangan, kag sa mga department heads.
Samtang, nagfile naman sang perjury case si Benitez batok kay Ferraris sa alegasyon nga wala sang kamatooran ang mga pahayag sang complainant.
Suno kay Ferraris, nagbase lamang siya sa layi kag ginpamatud-an lamang sini kun ano ang insakto.
Samtang, gin-athag naman ni Ferraris nga wala sang lamod pamulitika ang natabo.
Mahibaluan nga sang tuig 2022 nagpapili si Ferraris bilang Congressman sang 3rd district.
Suno diri, indi manami lantawon nga ang pulitko mapapili nga wala sang kontra.
Para sa iya, bisan papaano may dungog ang ciudad nga may yara sang duha ka tawo nga nagpapili sa posisyon.
