Magabalik liwat sa Cleveland Cavaliers ang beterano nga forward nga si Tristan Thompson, pila katuig humalin sang ma-trade siya sa iban nga team.
Si Thompson ang isa sa mga nagapanguna nga player sang Cavs sadtong 2016 championship batok sa Golden State Warriors kun sa diin nadag-an sang Cavs ang una nga championship sini.
Sang nakaligad nga season, nakahampang pa siya sang 49 games apang nasuspend siya sang 25 games matapos nga magpositibo sa drug test.
Apang santo sa una nga statement sang Cavs, nakahanda liwat ang team nga kuhaon ang beterano nga NBA champion matapos ang nasambit nga suspension kag tanyagan liwat siya sang isa ka tuig nga kontrata.
Dako nga bahin sang 11 season nga karera ni Thompson sa NBA ang ginhatag niya sa Cavs.
Makapila ka beses ini nagbalhin sang team humalin sang i-trade sang Cavs apang dalayon man nga nagbalik sa nasambit nga team tubtob sa gindagdagan na siya sang 25 game suspension.
Siya ang ikaapat nga over all pick sadtong 2011 kag ginpili sang Cavs.
