Sumugod subong nga adlaw amat-amat na nga ipatuman ang dugang nga pagsaka sang presyo sang produktong petrolyo magasugod subong nga adlaw sang Martes, Marso 10 tubtob Marso 16 agud indi hinali nga mabatyagan sang mga konsyumer ang epekto sang sitwasyon sa Middle East sa presyo sang gatong.
Santo sa datos nga ginpaggwa sang Department of Energy (DOE), magasaka sa P7.00 tubtob P13.00 kada litro, P17.50 tubtob P24.25 kada litro naman ang pagsaka sa presyo sang diesel samtang magasaka sa P32.00 tubtob P38.50 kada litro ang presyo sang kerosene.
Ini ang ika-siyam nga sunod-sunod nga semana nga pagsaka sang presyo sang gasolina kag ika-11 nga semana naman para sa diesel kag kerosene sa tunga sang nagapadayon nga tensyon sa Middle East.
Subong nga adlaw, ang Chevron Philippines Inc. (Caltex) magapasaka sa P7.00 kada litro sa presyo sang gasolina, magasaka sa P17.50 kada litro naman ang presyo sang diesel kag P38.50 kada litro sa presyo sang kerosene.
Samtang, ang Shell Pilipinas Corp ang magapasaka sang presyo sang gasolina sa P8.75 kada litro, P24.25 kada litro sang diesel kag P36 kada litro sang kerosene.
Ang Petron Corp naman ang magapasaka sa P8.80 kada litro sa presyo sang gasolina, P19.20 kada litro sa diesel kag P32 kada litro sang kerosene.
Magasugod ang mga pagbag-o sa presyo alas-6:00 subong nga aga, Marso 3 para sa tanan nga kumpanya, maluwas sa Cleanfuel nga magasugod alas-4:01 karun sa hapon.
