Bigtime rollback sa presyo sang gatong, lauman sa masunod nga semana

Lauman ang dako nga oil price rollback sa masunod nga semana.

Suno kay Department of Energy-Oil Industry Management Bureau Assistant Director Rodela Romero, P1.40 tubtob P1.70 ang igabuhin sa kada litro sang gasolina; P0.90 tubtob P1.20 kada naman sa kada litro sang diesel; kag P1.50 tubtob P1.70 sa kada litro sang kerosene.

Ginpahayag sang opisyal nga ang ginalauman nga rollback sa presyo sang gatong ang bangud sa pagsaka sang commercial crude oil stockpiles sa Amerika, plano sang OPEC+ nga magdugang sang ila output paglab-ot sang Abril, mga taripa sang Amerika batok sa Canada, China kag Mexico nga nagapalala sang tensyon sa trading.

Masami nga ginaanunsyar ang price adjustments kada Lunes kag ipatuman pagka-Martes.