Nagapati ang provincial veterinarian sang Negros Occidental nga naghalin sa migratory birds ang H5N6 bird flu nga nadetect sa Nueva Ecija.
Una na nga ginkumpirmar sang DA nga 1, 500 nagikan sa 15, 000 ka mga quails ang nagkalamatay sa Nueva Ecija bangud sa bird flu.
Sa interview sang Bombo Radyo Bacolod kay Dr. Renante Decena, ginpahayag sini nga wala sang dapat kahangaw-an ang publiko angot sa pagsulod sang chicken kag chicken products nga naghalin sa Luzon nga infected sang nasambit nga virus bangud may yara sang Executive Order nga ginpagwa ang probinsya nga tsekyaron ang tanan mga nagaabot nga chicken kag chicken products nga nagikan sa iban nga lugar ilabi na ang may yara sang kaso nga infected sang virus.
Apang nagpanugyan man ini sa publiko nga likawan ang pagpasampok ukon pagbulang sa tion nga ini bangud indi mahibaluan kun ang manok nga ginsampukan ukon nakontra sa bulang ang infected sang H5N6 bird flu kaangay sang nadetect sa Nueva Ecija.
