Duha lamang ang wish sang gobernador sang Negros Occidental para sa iya nga kaadlawan kahapon, Disyembre 13.
Suno kay Negros Occidental Governor Eugenio Jose “Bong” Lacson, ang wish lamang sini sa iya kaadlawan amo ang pagsimmer down sang Bulkan Kanlaon kag amo nga makapauli na ang mga evacuees sa ila mga puluy-an agud nga makaselebrar sang paskwa sa ila tagsa ka balay.
Samtang ang kay Negros Occidental Vice Governor Jeffrey Ferrer naman nga wish sa gobernador amo nga maayo nga ikaayong lawas kag nagpasalig man ini nga yara lamang ini sa likod sang gobernador nga magasuporta para sa kaayuhan sang probinsya.
Mensahe ni Ferrer kay Lacson nga magpakabakod lamang sa tanan nga ginapangatubang nga pagpanghangkat sa pagserbisyo sa probinsya sang Negros Occidental.
Nangin madinuagon man ang ginpatigayon nga Christmas lights on ceremony sa provincial capitol kadungan sang pagpatigayon sang Christmas Party sang mga empleyado sang provincial capitol.
Samtang may yara man sang mga kapulisan nga nagpasiguro sang seguridad sang 4,500 ka mga indibidwal nga nagtambong Christmas party.
