Nagmando ang Sandiganbayan nga i-transfer ang kustodiya ni former speaker kag Leyte 1st District Representative Martin Romualdez sa Bureau of Jail Management and Penology (BJMP) naggikan sa Philippine National Police (PNP).
Ini ang gin-anunsyo ni Sandiganbayan Third Division chairperson Karl Miranda matapos mag-isyu sang commitment order ang anti-graft court para kay Romualdez nga i-detain sa New Quezon City jail sa Payatas, sa idalom sang hurisdiksyon sang BJMP.
Ginpahayag naman ni Police Colonel John Guiagui, chief sang PNP-Criminal Investigation and Detection Group, nga sila ang maga-comply sa order sang korte.
Apang, suno kay Guiagui, maga-depende na sa BJMP kun pila ang kinahanglan nga personnel nga magbantay kay Romualdez.
Madumduman nga nag-file ang Office of the Ombudsman sang P7.4 billion plunder charge sang Lunes batok kay Romualdez, anay Ako Bicol party-list representative Zaldy Co, kag iban pa nga imbolbado sa gin-alegar kickback scheme sa flood control projects.
