Hugot nga ginpanginwala ni Senador Christopher “Bong” Go ang ginaalegar “reward system” sa war on drugs ni former President Rodrigo Duterte kag suno sa iya, wala sang nasambit nga sistema nga ginpatuman sadto sa baylo sang kabuhi nga nagkaladula sa kampanya sang gobyerno batok sa illegal nga druga.
Ginpanginwala man sini nga siya ang may kahilabtanan sa kontrobersiyal nga anti-narcotics campaign.
Madumduman nga sang Biyernes, direkta nga gintudlo ni retired police colonel Royina Garma si Duterte kag Go sa pag-orchestrate sang isa ka cash reward system sa extrajudicial killings (EJKs) sang drug suspects sa idalum sang iya termino.
Isa ka anay PNP official nga kilala sa narco-operations sang Agosto ang nagkumpirmar nga may yara sang quota kag reward system sa drug war.
Bukas naman si Go nga magtambong sa Quad Committee hearing sang Kamara matapos nga naulamid ang iya pangalan.
Apisar sini, iya ginarespeto ang interparliamentary courtesy sang Kongreso.
Suno diri, willing ini nga magfile sang resolusyon agud separado nga imbestigahan sang Senado ang ginaalegar extrajudicial killing sa war on drugs sang Duterte administration.
