Wala sang pagbag-o sa presyo sang seafoods sa pavilion sang Local Government Units sa Panaad park and Stadium para sa 30th Panaad sa Negros Festival 2026.
Sa interview kay Arjay Sedan, staff sang EB Magalona pavilion, wala sila nagpasaka sang presyo bangod para sa ila okay na basta makaginansya lang sila kag mapalipay ang mga costumer.
Ang banwa sang EB Magalona kilala bilang Home of the Blue Crabs.
Ang presyo sang ila ginabaligya nga kasag yara sa P1 per grams kag ang isa ka kilo nagabalor sang P1,000 apang may yara sang minimum nga P300 nga good for three persons na.
Samtang may yara man sila sang baligya nga nagkalain-lain nga klase sang isda, may lokus, pasayan, talaba, kag inasal nga manok nga ginpanuboan nila ang presyo sa P110 nga anay P125 sang tinalikdan nga tuig.
Bukas lamang sila alas- 10:00 sang aga tubtob alas- 12:00 sang kaagahon.
Pahayag sini, wala na sila nagpasaka sang presyo agud padayon nga magpadulong ang mga tawo sa ila restaurant.
