Mahimo na makasulod sa syudad sang Kabankalan ang mga residente nga nagikan sa banwa sang Mabinay, Negros Oriental.
Sa press conference ni Negros Occidental provincial Governor Eugenio Jose “Bong” Lacson, ginpahayag sini nga ginpahibalo na siya ni Kabankalan City Mayor Pedro Zayco angot diri.
Suno kay Lacson, maayo ini nga tikang ilabi na sa mga residente sang Mabinay bangud highly dependent sila sa Kabankalan sa pagtransaction sa bangko kag botika.
Suno pa sa gobernador, mahimo nga nangin komportable na ang Kabankalan nga magpasulod sang taga-Mabinay bangud zero case na sa COVID-19 ang banwa.
Apang gin-athag man sang gobernador nga dapat indi maglapaw sa sulod sang 24 oras ang pagtiner sang mga residente sa Kabankalan kag kinahanglan nga magbalik sa Mabinay.
Suno pa kay Lacson, duha naman ka bulan ang nakaligad sang ginbuksan ang San Carlos-Vallehermoso border.
