Ginalantaw sang presidente Samahang Weightlifting ng Pilipinas nga pa lugar ang hampang sa NBA Finals.
Nahibaluan nga wala magsaler ang Luca Magic ni Luca Doncic sang Dallas Mavericks matapos nga ginlutos ang mga ini sang Boston Celtics sa Game 1 sang NBA Finals, nga ginpatigayon sa TD Garden sa Boston, Massachusettes kaina sang aga oras sa Pilipinas sa score nga 107-89 pabor sa Celtics.
Sa interview sang Bombo Radyo Bacolod kay Monico Puentevella, baskog ang depensa sang Boston Celtics kag madamo sang maayo nga player nga ginalakipan nanday Jason Tatum, Kristaps Porzingis, Sam Hauser kag Al Horford indi kaangay sa Dallas Mavericks nga sanday Luka Doncic kag Kyrie Irving lamang ang nagapamuntos.
Apang wala man sini ginadula nga makabawi man ang Dallas Mavericks sa home court sini sa The American Airlines Center (AAC) sa Dallas, Texas kag nagpagati ini nga palugar ang pahampang.
Samtang, para naman sa Basketball coach sa ciudad sang Bacolod nga nag-insakto ang ginalantaw sini antes nga hampang nga indi lang magdako ang pondo sang Boston Celtics mahimo pa ini mabadbad sang Dallas Mavericks.
Nahibaluan nga wala magsaler ang Luka Magic ni Luka Doncic sang Dallas Mavericks matapos nga ginlutos ang mga ini sang Boston Celtics sa Game 1 sang NBA Finals, nga ginpatigayon sa TD Garden sa Boston, Massachusettes kaina sang aga oras sa Pilipinas sa score nga 107-89 pabor sa Celtics.
Suno kay Leo Ceralbo, duha lamang ang nagapamuntos sa Dallas kun sa diin si Luka Doncic kag Kyrie Irving ang nangin scoring machine sang nasambit nga team.
Suno kay Ceralbo, sa third quarter, nakita naman nga nangin foul trouble na si Kyrie Irving kag siya ang ginmarkahan sang players sang Celtics.
Suno pa diri, sa first half gid natam-an ang Mavericks bangud sa 27 ka haboy nga 3 points, onse ang napasulod sang Celtics.
Ginpahayag man sang Basketball coach nga kulang ang suporta kay Doncic kag Irving bangud ang kaangay nga wala nagbulig ang teammates indi pareho sa Celtics nga maayo ang suporta.
