Imbes nga daily minimum wage ang mabatun sa pagdrive sang modernized jeepney, pahayag sang driver sang MBMJ & UY Cooperative nga ini ang gin-islan sang ila management sang boundary system.
Matapos magdangop angot sa isyu sa fuel subsidy sa Ipa-Bombo Ta segment, namensyonar man ni Andy Englis, driver sang Modernized Jeep nga residente sa Brgy Bata, nga sang nagtimbook ang presyo sang gatong, nag-ayo ang ila operator nga mangin boundary anay ang paagi sa pagsweldo bangod indi na nila masarangan ang pagmahal sang gatong.
Apang apisar nagpanaog na ang presyo, wala naman sila ginbalik sa daily minimum wage nga P550.
Suno diri, sa regular nga byahe, sila ang makapauli lamang sang P300 tubtob P400 kada adlaw luwas na lamang kun may-ara sang mga events sa ciudad kag madamo sang bisita.
Ini bangod sila ang may adlaw-adlaw nga ginabayaran nga P1,500, kag tughong nga nagadangat sa P2,000, ukon kabug-usan nga P3,500 kada adlaw.
Suno diri, sa orihinal nila nga proseso, may-ara sila sang ginalab-ot nga qouta kag kun ini ang maba-ot na sila ang subject na nga makabatun sang overtime.
Suno kay Englis, bangod sa mahina nga kita, indi na masarangan sang kita sini nga mafulltank ang modernize jeep, kag yara na lamang sa katunga sa karun ang unod.
Apang sang ini ang nahibaluan sang ila operator, siya ang gilayon nga ginsuspend.
Suno sa iya, ang ginalauman sini kuntani nga makabatak sa nakaon nga gatong agud liwat mafulltank ang modernized jeep amo ang fuel subsidy, apang wala gihapon nila mabatun.
Sa pihak sini, pahanumdom ni Englis nga sang ginpahanugutan ang kooperatiba sang bangko nga makaloan, kalakip sa kasugtanan nga sila ang magabayad sang daily minimum wage sa driver kag konduktor.
