BTTMD Head Atty Reuben Sabig kag Punong Barangay RJ Alcantara sang Brgy 12, nagsabtanay samtang ginabaklas ang mga illegal structure sa sidewalk

Nagresulta sa mainit nga pagbaisay sa tunga sang Punong Barangay kag pinuno sang Bacolod Traffic and Transport Management Department ang ginpatigayon nga pagbaklas sang mga balaligyaan sa kilid sang Rizal Street, Brgy 12, Bacolod City.

Samtang nagapangbaklas ang BTTMD sa pagpanguna mismo niAtty Reuben Sabig, nagpalapit si Punong Barangay JR Alcantara kaupod sa iban pa nga opisyales sang Barangay, kag didto na natabo ang mainit nga sabtanay.

Ginapanindugan ni Alcantara nga sila ang may permit, apang ini ang ginsabat ni Sabig nga indi pwede tukuran sang balaligyaan ang kilid sang dalan.

Ang duha ang naghangkatanay naman nga mag-atubangay sa City Legal Office.