Nagsangkad ang budget deficit sang administrasyon Marcos sang tinalikdan nga Marso bangud sa mga gingastos agud masabat ang epekto sang krisis sa enerhiya tuga sang gyera sa Middle East.
Santo sa latest nag data gikan sa Bureau of the Treasury (Btr), ang fiscal gap ang nagsaka sa 1.96 percent nga nagdangat sa P349.7 billion sang Marso.
Ang fiscal gap amo ang deperensya nga nagapakita nga mas dako ang ginapagwa nga kwarta sang gobyerno sangsa nagasulod diri.
Apisar nagsaka ang deficit sa bulan sang Marso, nangin maayo man ang financial condition sang gobyerno sa una nga quarter ukon una nga tatlo ka bulan bangud nagnubo ang deficit sa 20.3 percent gani nangin P355.5 billion ang kabug-usan nga deficit para sa bug-os nga first quarter (Enero-Marso).
Santo sa datos, nagapakita ini nga mas kontrolado ang paggastos sang gobyerno kumpara sa nakaligad nga tuig.
