Ginalauman matapos na sa masunod nga semana ang budget hearing para sa pagpasar sang proposed annual budget sang ciudad sang Bacolod para sa 2025 kun sa diin P4.4 billion.
Suno kay Councilor Jude Thaddeus Sayson, chairman sang Committee on Finance and Appropriations sa Sangguniang Panlungsod, nagpaidalom sa deliberation ang tagsa ka mga city department nalakip diri ang City Engineer’s Office, Local Market Committee kag Bacolod Traffic and Transportation Management Department.
Suno kay Sayson, may yara pa sang iban nga mga departamento ang natalana nga i-deliberate antes pa ini maga-endorso sang draft para sa proposed P4.4B 2025 annual budget sang ciudad.
Pila sa mga departamento may pinakadako nga budget amo ang Department of Social Services and Development, Disaster Risk Reduction and Management Office kag City Mayor’s Office.
Ginpahayag sang konsehal nga ginalantaw sini nga sa Disyembre 18 maaprubahan ang annual budget sang ciudad.
