Aprubado na sa 2nd kag 3rd reading ang budget sang ciudad sang Bacolod para sa masunod nga tuig.
Suno kay Councilor Thaddy Sayson, chairman sang Committee on Appropriations and Finance, P4,750,000 ang budget nga ginapangayo sang ciudad kun sa diin majority diri makadto sa City Mayors Office, City Health Office kag Department of Social Services and Development.
Suno diri, timprano pa natapos ang budget deliberation bangod wala naman gid sang dapat usisaon.
Para kay Sayson, responsive ang 2026 budget bangod nacover man ang tanan apang may nagakwestyon sa drainage kag ini iya ginpasalig nga may kuhaan man sila sang budget.
Ginalauman nga sa katapusan sang Disyembre ukon sa una nga semana sang Enero sa 2026 mapermahan na ni Bacolod City Mayor Greg Gasataya ang budget.
