Ginkumpirmar ni Department of Budget and Management (DBM) Secretary Amenah Pangandaman nga may yara na sang “positive development” sa 2023 Performance-Based Bonus sang mga DepEd teachers.
Ini kasunod sang pagpangayo sang kumpirmasyon ni House Deputy Minority Leader at ACT Teachers party-list Representative Antonio Tinio, nga kun matuod nga may maayo nga balita para sa mga manunudlo angut sa ila nga PBB.
Madumduman nga una nga gindeklarar nga ineligible ang DEPED para sa 2023 PBB bangud sa manubo nga grado sa ila nga performance indicators.
Apang nag-file sang request for review para ini ang mabag-o.
Suno kay Pangandaman, ginahulat na lang ang pirmado nga resolusyon halin sa technical working group para mapagwa ang pondo para diri.
Apelar naman ni Tinio nga kun mahimo mapadasig ang pagproseso sini agud mabaton na sang mga manunudlo ang ila madugay na nga ginahulat nga benepisyo.
