Ginkumpirmar sang Provincial Veterinarian sang Negros Occidental nga nagpagwa sang mandu si Governor Eugenio Jose “Bong” Lacson nga nagadumili sa pagpasulod sang mga live pigs, meat kag pork products sa probinsya nagikan sa Region 8 matapos may ginreport sang Department of Agriculture nga may kaso sang African Swine Fever sa Leyte.
Sa interview sang Bombo Radyo kay Dr. Renante Decena, ginpahayag sini nga tatlo na sa karun ka mga lugar ang nakaban sa pagpasulod sang mga pork, pork products kag live pigs sa probinsya kag ini ang ginalakipan sang Luzon, Mindanao kag Region 8.
Suno kay Decena, may mga regular shipments halin sa probinsya nga ginpabalik bangud wala ginpahanugutan nga mag-agi sa Mindoro kag sa karun, magahingyo si Lacson sa mga gobernador nga pahanugutan nga makaagi.
Samtang, nagpadala na ini sang email sa mga alkalde tuhoy sa iya bag-o nga direktiba nga indi pagpahanugot sa pagpasulod sang mga pork kag pork products sa probinsya.
