Para makakuha sang discount, may pinasahi nga pamaagi nga ginhimo ang isa ka babayi nga nagbakal sang isda sa isa ka tindahan sa Guandong, China.
Nakita sa CCTV camera sa sulod sang isa ka tindahan ang babayi nga nagakuha sang mga buhi nga isda sa sulod sang fish tank.
Apang ang nakuha sini nga buhi nga isda, wala niya ginbutang sa container apang ginbutang niya ini sa salog kag gintapakan tubtob nga mapatay.
Liwat niya ini nga ginbutang sa tangke ang patay nga isda kag nagkuha sang isa pa gid ka buhi nga isda kag gintapakan man para patyon.
Suno sa mga staff sang supermarket, ginpakilo sang babayi ang mga isda nga iya ginpatay kag nangayo sang discount.
Naghambal ang babayi nga tunga lang sang presyo ang iya bayaran bangod patay naman ang mga isda.
Apang, nakilal-an sang isa sa mga staff ang babayi nga naka-agi naman nangdaya sa price label sa ginbakal sini.
Nagbalibad ang cashier nga maghatag sang discount sa isda kag ginpilit nga pahalinon ang babayi.
Ginlantaw sang mga staff ang CCTV footage kag didto na nakita-an ang ginhimo sini sa mga isda.
