Nagapabilin sa Alert Level 2 ang Bulkan Kanlaon kasunod sa pagbuga sang abo kahapon sang aga.
Suno sa PHIVOLCS, nagsugod pasado alas-5:00 kahapon sang aga ang mahinay apang nagapadayon nga pagbuga sang abo halin sa summit crater sang bulkan.
Sa karon, nagapabilin sa Alert Level 2 ang Bulkan Kanlaon, nga nagakahulugan nga may padayon nga pag-alburoto kag posible ini magtuga sang hinali nga explosive eruption
Ginapahanumduman ang mga residente sa palibot sang bulkan nga magpabilin nga alerto kag magsunod sa mga paandam kag abiso sang mga otoridad.
Sa interview sang Bombo Radyo Bacolod kay Engineer Mari Andylene Quintia, Resident Volcanologist sang Kanlaon Volcano Observatory, wala sila sang may nabaton nga report sang ashfall sa mga kalapit nga mga lugar sa palibot sang bulkan.
Suno kay Quintia, lauman ang posible nga mga explosive eruptions sa mga masunod nga inadlaw.
