Wala sang major changes sa byahe sang bus sa ginalauman nga pagduging sang pasahero sa adlaw sang tigkalalag.
Sa interview sang Bombo Radyo Bacolod kay Jade Marquez, media relations officer sang Vallacar Transit Incorporated, wala sang adjustment sa schedule sang byahe apang iga-adjust lamang ang departure time sang units.
Suno diri, kun mapuno na sang pasahero ang bus ini ang iga-dispatch na.
Dugang pa ni Marquez, ginalauman ang pagduging sang pasahero bwas nga adlaw, Oktubre 30 tubtob sa Nobyembre 3.
Nagpasalig man ini nga ginatsekyar ang kondisyon sang kada units kag kun may kinahanglan sang repair, temporaryo anay nga ginakansela ang byahe sang unit agud nga masiguro ang safety sang mga pasahero.
Ginapatigayonan man sang medical check up ang mga driver kag konduktor agud masiguro ang ila ikaayong lawas.
Panugyan sini nga mas maayo nga madutay lang ang bitbiton nga gamit kag indi pagpabay-an ang mga kabataan.
