Wala pa nakadesisyon si Calatrava Mayor Marilyn Era kun mapasa ini sang appeal sa opisina ni President Ferdinand Marcos Jr matapos nga ginapamatbatan ang alkalde nga guilty sa reklamo nga Grave Abuse of Authority kag Gross Negligence of Duty.
Ang alkalde ang ginpamatbatan nga guilty kasunod sang pagpasaka sang kaso sanday Dr. Lewyn Torres kag Dr. Kristine Ureta bangod wala sila nahatagan sang schedule para sa masunod nila nga trabaho apisar nga wala pa natapos ang ila kontrata.
Sa interview sang Bombo Radyo kay Atty Ariel Malunes, legal counsel ni Mayor Marilyn Era, gindagdagan sang duha ka bulan nga suspension si Era apang bangod kinahanglanon ang iya padayon nga serbisyo para sa banwa, nadesisyonan nga i-surrender sini ang iya duha ka bulan nga sweldo.
Gin-athag ni Malunes nga kun isurrender ang P250,000 nga sweldo sang alkalde dapat ini ang iremit nila sa Sangguniang Panlalawigan sang Negros Occidental kag indi nga ihatag sa mga complainant.
Pahayag ni Malunes, wala pa sila nakadesisyon kun mapasa sang appeal sa opisina sang presidente ukon indi na.
