Magahatag sang fertilizers kag seeds ang Canlaon Local Government Unit sa mga mga mangunguma nga apektado sang ashfall tuga sang paglupok sang Bulkan Kanlaon.
Sa interview sang Bombo Radyo kay Canlaon City Mayor Jose Chubasco “Batchuk” Cardenas, makighinun-on siya sa tanan nga farmers association kun makagwa na ang Bagyo Inday.
Suno sa Alkalde, ipanagtag ang mga fertilizers kag seeds para makasugod ang mga mangunguma sa ila panglabuhian bangud ang tanan ang naapektuhan sa pagtupa sang ashfall ilabi na ang yara sa 4-6 kilometer Permanent Danger Zone.
Dugang pa, ginalantaw man ang posible nga pag-release para sa bulig pinansyal.
Suno diri, nagpatuman man siya sang suspencion of class sa tanan nga eskwelahan sa lugar para sa preparasyon sa Bagyo Inday bangud indi na sini luyag nga matabo ang natabo sag nakaligad nga Bagyo Tino.
Ginapanawagan man ni Cardenas sa mga pumuluyo nga mag-evacuate sa posible nga epekto sang Bagyo Inday.
