Natapos na sang Commission on Elections (Comelec), nga nagapungko bilang National Board of Canvassers (NBOC), ang canvassing sang votes para sa mga senador kag party-list groups para sa 2025 midterm elections.
Nagpost ang NBOC sa LED screen sa Tent City sang Manila Hotel the National Certificates of Canvass (NCOC) nga nagaunod sang pangalan sang 66 ka mga senatorial bets kag corresponding votes nga ila nabaton.
Suno kay Comelec chairman George Garcia, indi pa ini full official count para sa senatorial kag party-list race.
Nakabaton si re-electionist senator Bong Go sang pinakamadamo nga numero sang boto bangud sa 27,121,073 nga ginsundan ni former senator Bam Aquino nga may 20,971,899 votes.
Nagapangatlo si Senator Ronald “Bato” dela Rosa nga may 20,773,946 votes, samtang si ACT-CIS party-list Rep. Erwin Tulfo ang yara sa 4th place bangud sa 17,118,881 votes.
5th place si former senator Kiko Pangilinan with 15,343,229, ginasundan ni SAGIP party-list Rep. Rodante Marcoleta nga may 15,250,723 votes.
Iban nga mga senatorial bets nga nakasulod sa Magic 12 amu sanday Panfilo “Ping” Lacson (15,106,111); Vicente ‘Tito” Sotto III (14,832,996); Pia Cayetano (14,573,430); Camille Villar (13,651,274); Lito Lapid (13,394,102) kag Imee Marcos (13,339,227).
Sa bahin naman sang partylists, ang ranking sang may pinakamataas nga boto amu ang Akbayan (2,779,621); Duterte Youth (2,338,564); Tingog (1,822,708); 4Ps (1,469,571); ACT-CIS (1,239,930) kag Ako Bicol (1,073,119).
