Car wash boy gintiro sa Himamaylan City, patay

Patay ang 28 anyos nga carwash boy matapos ginluthang sa Sitio Baptist, Brgy Mahalang, Himamaylan City, Negros Occidental, sang Huwebes, sang gab-i.

Ang biktima ang ginkilala nga si Ryan Andres, kasado, kag residente sang nasambit nga lugar.

Sa interview sang Bombo Radyo kay PLt Col Anthony Grande, hepe sang Himamaylan City Police Station, nagapungko ang biktima sa sulod sang ila balay kaupod ang iya iloy sang may nagpalapit nga persona nga nagtamyaw sa ila sang maayong gab-i.

Suno diri, hiali lang nga naggabot sang armas luthang ang persona kag gintiro si Andres sang tatlo ka beses.

Gilayon nga nalagyo ang suspek kaupod ang isa sini pa gid ka persona.