Nagpasalig ang pinuno sang City Disaster Risk Reduction Management Office sang Talisay City nga safe nga malabayan ang Catabla 2 Bridge sa ciudad sang Talisay.
Sa interview sang Bombo Radyo kay Executive Assistant to the Mayor Geoffrey Gutierrez, ginpahayag sini nga wala sang dapat kahangaw-an ang mga pumuluyo sa nakit-an nga crack sa nasambit nga taytay bangud ila ini ginpatsekyar sa mga engineers sang Department of Public Works and Highways kag ila gincertify nga safe labayan ang bridge.
Suno kay Gutierrez, ang taytay kag ang dalan ang wala ginsugpon directly kag dapat may ply nga daw ginagiho-giho agud indi mawasak kun may salakyan nga maglabay.
Bangud sa kadugayon, suno diri, nagcrack ang patching sini rason kun ngaa temporaryo nga ginsirad-an ang taytay apang natural lang ini suno sa iya.
Suno kay Gutierrez, kahapon liwat na nga ginbuksan ang bridge agud sarang nga malabayan sang mga salakyan.
