BACOLOD CITY – Lauman sang mga konsumidor sang Central Negros Electric Cooperative (CENECO) ang pagsaka sa bill sa kuryente sa masunod nga pag-issue sang kooperatiba.
Suno kay CENECO general manager Sulpicio Lagarde, magasaka sang 48 sentimos ang sukot sa kada kilowatt hour.
Bangud sini, mahimo na nga 9 pesos kag 50 sentimos ang tagsa ka kilowatt hour halin sa sukot subong nga 9 pesos kag 2 sentimos.
Suno kay Lagarde, maga-appear na ini sa masunod nga bill sang mga kosumidor kun sa diin madugangan sang 48 pesos ang tagsa ka 100 watts nga konsumo.
Sng pagsaka sa bill suno sa iya ang bangud sa pagbag-o sa market sources ilabi na nga subong, interconnected na ang supply sang kuryente sa Luzon kag diri sa Negros Occidental kun sa diin mabatyagan man diri ang mga problema sa Metro Manila.
Aminado naman ang general manager nga may epekto ini sa ila koleksyon bangud may mga wala nagabayad kun dako ang ila bill.
